BQO turǵyny kıik múıizin saqtaǵany úshin sottaldy

ORAL. KAZINFORM – Batys Qazaqstan oblysy Tasqala aýdandyq sotynda jergilikti turǵynnyń kıik múıizin zańsyz ıemdenip, saqtaǵany úshin qylmystyq is qaralyp, úkim shyǵaryldy.

BQO sotynyń baspasóz qyzmetinen málim etkenindeı, 2025 jyldyń kúz mezgilinde J. degen turǵyn sharýa qojalyǵynyń qystaýynyń mańynda shóp shaýyp júrip, daladan kıiktiń bas súıegin múıizimen birge taýyp alǵan.

Sodan keıin traktordyń kabınasyna salyp, sol kúni keshkisin qystaýǵa aparyp, polıtsııa qyzmetkerleri kelip, tintý júrgizip taýyp alǵanǵa deıin, eshbir maqsatsyz sharýashylyq saraıda saqtaǵan.

Sot otyrysynda aıyptalýshy óz kinásin tolyq moıyndap, jasaǵan áreketine ókindi.

- Úkim shyǵarý kezinde sot onyń kinásin moıyndaýyn jáne shyn ókinýin, jeke basyn, istiń basqa da mán-jaılaryn eskere otyryp, jazanyń barlyq merzimine probatsııalyq baqylaý belgilep, bir jylǵa bas bostandyǵynan shekteý jazasyn taǵaıyndady. Úkim zańdy kúshine endi, - dep habarlady vedomstvodan.

Eske sala keteıik, budan buryn Batys Qazaqstanda konservilengen kıik eti satylymǵa shyǵatynyn jazǵan bolatynbyz.

Sondaı-aq Batys Qazaqstanda kıik etin óńdeý keshenin salý kózdelip otyr.

BQO-da zańdy túrde soıylǵan kıik múıizi qaıda ketip jatqany jazyldy.