BQO turǵyny asa iri kólemde tsıfrlyq aktıvterdi zańsyz ótkizýmen aınalysqan
ORAL. KAZINFORM — Batys Qazaqstan oblysy boıynsha ekonomıkalyq tergep-tekserý departamenti tsıfrlyq aktıvter aınalymy salasynda zańsyz kásipkerlik qyzmetpen aınalysqan BQO turǵynyna qatysty tergeýdi aıaqtady.
Departamenttiń baspasóz qyzmetinen málim etkenindeı, kúdikti mindetti tirkeýsiz jáne lıtsenzııasyz tsıfrlyq aktıvtermen operatsııa jasaý arqyly tabys tabý shemasyn júzege asyrǵan.
Ol óziniń zańsyz qyzmeti barysynda «Imrat Group» qarjy pıramıdasynyń salymshylarynan túsken aqshalaı qarajatty krıptovalıýtaǵa aıyrbastap, keıinnen uıymdastyrýshylardyń krıptoámııandaryna jiberip otyrǵan.
- Budan bólek, ol basqa da jeke tulǵalardan aqshalaı qarajat qabyldaǵan. Onyń is-áreketiniń nátıjesinde tsıfrlyq aktıvterdi ótkizý boıynsha operatsııalardyń somasy 155 mıllıon teńge boldy. Іsti tergeý barysynda kúdiktiniń quny 57 mıllıon teńge úıleri men avtokóligi túrindegi múlkine tyıym salyndy. QR Qylmystyq is júrgizý kodeksiniń 201-babyna sáıkes tergeý múddesindegi ózge aqparat jarııa etýge jatpaıdy, - dep habarlady vedomstvodan.
Eske sala keteıik, budan buryn BQO-da 1267 mln teńge zańsyz nesıe alǵan seriktestik basshysy sottalǵanyn jazǵan edik.
