BQO turǵyndarynyń 100 mln teńgesin qoldy etken alaıaq ustaldy

ORAL. KAZINFORM — Oral qalasynda alaıaqtyqpen aınalysqan 42 jastaǵy turǵyn ustaldy.

BQO polıtsııa departamentiniń baspasóz qyzmetinen málim etkenindeı, atalmysh alaıaq ózin qurylys salasynyń mamany, páterlerdiń ıesi nemese deldal retinde tanystyryp, páterlerdi satyp, resimdeýmen aınalysa otyryp, oblys turǵyndarynyń aqshalaı qarajatyn ıemdengen.

«Atap aıtqanda, Jańaqala aýdanynyń turǵyny alaıaqqa 30 mln teńgesin aýdaryp jibergen. Al Oral qalasynyń turǵyny úıdi resimdeý úshin 27,8 mln teńgesin bergen. Oblys turǵyndaryna keltirilgen jalpy zalal kólemi 100 mln teńgeden asady. Alaıaqtyq derekteri negizinde 7 epızod boıynsha qylmystyq is qozǵalyp, tergeý amaldary júrgizilýde. BQO polıtsııa departamenti qyraǵy bolý, beıtanys jáne tekserilmegen adamdarǵa senbeý kerektigin eske salady», - dep habarlady vedomstvodan.

Eske sala keteıik, budan buryn Oralda 67 jastaǵy zeınetker áıeldi óltirgen kúdikti kórshisi bolyp shyqqanyn jazǵan edik.