BQO trassasynda bir adam ajal qushyp, 4 qytaılyq zardap shekti
ORAL. QazAqparat – Batys Qazaqstan oblysynda avtokólik aýdarylyp, bir adam qaza tapty, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, qaıǵyly oqıǵa keshe saǵat 17.20-da Syrym aýdany aýmaǵynda boldy.
«Samara-Shymkent» jolynyń 401-shaqyrymynda «Honda Elızıon» avtokóliginiń aldyńǵy dońǵalaǵy jarylyp, aýdarylǵan.
Sonyń saldarynan 39 jastaǵy jolaýshy oqıǵa ornynda kóz jumdy.
34 jastaǵy júrgizýshi, sondaı-aq tórt qytaılyq azamat túrli jaraqattarmen aýrýhanaǵa jetkizildi.
Oqıǵa ornyna jedel járdem brıgadasy (4 qyzmetker, 1 tehnıka) jáne 15 jol-patrýldik polıtsııa qyzmetkeri 5 kólikpen bardy.
Oblystyq Densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, 33 jáne 53 jastaǵy qytaılyq azamattar aýrýhanaǵa jatýdan bas tartty. 34-tegi júrgizýshi men 49 jáne 53 jastaǵy qytaılyq jolaýshylar oblystyq aýrýhanaǵa jatqyzyldy.
