BQO trassasynda 1 adam qaza taýyp, 4-eýi zardap shekti
ORAL. QazAqparat - Batys Qazaqstan oblysynda jol-kólik apaty bolyp, bir adam qaza tapty, taǵy tórt adam zardap shekti, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz qyzmetinen málim etkenindeı, oqıǵa búgin túste Aqjaıyq aýdany Inder-Oral joly boıynda boldy.
Saǵat 13.40-ta «Nıva Shevrole» avtokóliginiń aýdarylǵany jóninde habar túsken.
Kólikte 5 adam bolǵan. Chapaev aýylynyń 26 jastaǵy turǵyny jedel járdem kelgenge deıin kóz jumdy.
23 jastaǵy jigit jabyq bas-mı jaraqatyn alyp, mıy shaıqalǵan, qoly synǵan. 46 jastaǵy er adam da aýdandyq aýrýhanaǵa jatqyzyldy. 30 jastaǵy áıel men 22 jastaǵy jigit ambýlatorlyq emdeýge jiberildi.
Qazirgi kezde oqıǵanyń jaı-japsary anyqtalý ústinde.
