BQO tórt aýdany men Oralda tótenshe jaǵdaı jarııalandy: Roman Sklıar aımaqta júr
ORAL. KAZINFORM - QR Premer-Mınıstriniń birinshi orynbasary Roman Sklıar Batys Qazaqstan oblysynda sý tasqyny saldarynan qalyptasqan jaǵdaımen tanysty.
Jumys sapary barysynda Batys Qazaqstan oblysynyń Terekti, Syrym jáne Qaratóbe aýdandaryndaǵy sý basqan aýmaqtar áýeden baqylanyp, sondaı-aq Oral qalasyndaǵy sý tasqyny saldarynan qalyptasqan ahýal zerdelendi.
Batys Qazaqstan oblysynyń ákimi Narıman Tóreǵalıev Roman Sklıarǵa júrgizilip jatqan sharalar jóninde baıandady.
Sý tasqyny jaǵdaıy mol túsken jaýyn-shashyn saldarynan kúrdelenip otyr.
Tórt aýdan men oblys ortalyǵynda jergilikti masshtabta tabıǵı sıpattaǵy tótenshe jaǵdaı jarııalandy, 874 adam qutqaryldy.
Batys Qazaqstan oblysyndaǵy sý tasqyny zardaptaryn joıý jumystaryna TJD jeke quramynan, jergilikti atqarýshy organdardan, Qorǵanys mınıstrligi men Іshki ister mınıstrliginen 1168 adam tartyldy.
306 tehnıka men 146 motopompa jumyldyryldy.
Sonymen qatar № 99250, № 28237 áskerı bólimsheleriniń kúshi men qural-jabdyqtary jáne Mańǵystaý oblysynyń TJD tartyldy.
Qosymsha shekara qyzmetiniń eki «MI-8» tikushaǵy jumys istep jatyr.
Óńirde arnaıy qurylǵan komıssııa tabıǵı apattan kelgen shyǵyndy esepteýdi bastady.
Roman Sklıar barlyq baǵyt boıynsha sý tasqynyna qarsy kúresti kúsheıtýdi jáne turǵyndardyń qaýipsizdigin birinshi kezekte qamtamasyz etýdi tapsyrdy.
Úkimet tarapynan búkil qajetti kómek kórsetiledi.
