BQO: Tasqala aýdanynda sý deńgeıi kóterilýde
ORAL. QazAqparat - «Qazgıdromet» RMK BQO fılıalynyń málimetine sáıkes Tasqala aýdanynda sý deńgeıi kóterilý ústinde, dep habarlaıdy QazAqparat tilshisi.
10 sáýir kúni saǵat 20.00-de 2-Shejin aýylyndaǵy sýdyń deńgeıi qaýipti shekten asyp, 753 santımetrge jetti. Qaýipti deńgeı - 730-750 sm.
Derkól-Tasqala gıdrobeketinde sý deńgeıi 495 santımetrdi kórsetti. Qaýipti deńgeı - 500 sm.
Osyǵan baılanysty BQO TJ departamenti taǵy da eskertý jarııalap, tótenshe jaǵdaılardyń aldyn alý baǵytynda sharalar qolǵa alynyp jatqandyǵyn habarlady.
Tasqala aýdany ákimdiginen túsken málimetke qaraǵanda, 10 sáýir kúni osynda BQO TJ departamentiniń basshysy, general-maıor Jasulan Jumashev kelip, Derkól ózeni boıyndaǵy birneshe qaýipti aımaqty aralap, sýdyń kóterilý deńgeıin, aǵý baǵytyn baqylady.
Tasqala aýdanynyń ákimi Sanjar Álıev te qazirgi kezde jaǵdaıdyń baqylaýda ekendigin jetkizdi.
Eske sala keteıik, Tasqala aýyly tusynda sýdyń qaýipti deńgeıge jaqyndaǵany týraly budan buryn da eskertý jarııalanǵan bolatyn.
