BQO: Tasqala aýdanynda 70 mln teńgeniń tenderge qatysty kelisimi buzyldy
Aýdan prokýrory Aron Aqpanovtyń aıtýynsha, osy kezeńde 403 azamattyń konstıtýtsııalyq quqyǵy qorǵalyp, 75 tulǵa túrli jaýapkershilikke tartyldy. 15 mln teńgeden astam zalal óndirilip, 24 mln astam teńgeni quraıtyn múlik memleketke qaıtaryldy.
Túrli mekeme-uıymdarda eńbek etetin 54 qyzmetkerdiń quqyǵy qorǵalyp, prokýratýranyń aralasýymen 3,5 mln. astam teńge jalaqylary tólendi.
Kadastrlyq quny 19,6 mln astam teńge bolatyn 1280 ga 4 jer telimi memleket menshigine qaıtaryldy. Sondaı-aq buryn jekeshelengen 2 turǵyn úı memleketke qaıtarylyp, prokýrorlyq yqpal etý aktisimen aýdan ákimdiginiń qyzmetkeri sybaılas jemqorlyq deregi boıynsha jaýapqa tartyldy.
«Mektepke deıingi uıymdardy tekserý barysynda balalardy balabaqshaǵa joldaý kezegi buzylyp, tamaqtaný talaptarynyń saqtalmaıtyny belgili boldy. Prokýrorlyq tekserýler nátıjesinde balabaqshalarda as mázirleri qalypqa keltirildi. Memlekettik satyp alý salasynda 450 myń teńgeniń negizsiz jumsalǵany anyqtaldy. Memlekettik satyp alý boıynsha barlyǵy 70 mln teńgeni quraıtyn kelisim-shart buzyldy», dedi A.Aqpanov.