BQO sportynyń basshysy eki aıǵa qamaýǵa alyndy
ORAL. QazAqparat - Oral qalalyq sotynyń 17 jeltoqsandaǵy qaýlysymen BQO dene shynyqtyrý jáne sport basqarmasynyń basshysy Tımýr Shaıahmetov eki aı merzimge qamaýǵa alyndy, dep habarlaıdy QazAqparat tilshisi.
Bul týraly Oral qalalyq soty málim etti.
Eske sala keteıik, T.Shaıahmetov pen osy basqarmanyń bólim basshysy Aqjan Ishanov 14 jeltoqsan kúni ustalǵan bolatyn. Sybaılas jemqorlyqqa qarsy is-qımyl jónindegi Ulttyq bıýro BQO boıynsha departamentinen túsken málimetke qaraǵanda, 1979 jylǵy T.Shaıahmetov pen 1974 jylǵy A.Ishanov adamdar tobymen aldyn ala sóz baılasyp, bıylǵy qarasha-jeltoqsan aılarynda júıeli túrde Oral qalasyndaǵy sport mektepteri bapkerlerinen oqý-jattyǵý jıyndaryn ótkizýge issapar shyǵyndaryna bólingen qarajattyń 40 paıyzyn, barlyǵy 1,520 mln. teńge kóleminde para alǵan. Osy is boıynsha QR QK 366-baby 3-bólimi 2-tarmaǵyna sáıkes tergeý amaldary júrgizilýde.
