BQO sport basqarmasynyń burynǵy basshysyna qatysty sot qaýlysy shyqty
Qostanaı oblystyq sotynyń baspasóz qyzmeti málim etkendeı, bıýdjet qarjysyn jymqyrǵany úshin uzaq merzimge sottalǵan M.Ońdaǵanov jazasynyń úshten eki bóligin, 7 jyl 3 aıyn ótegennen keıin ol merziminen buryn shartty túrde bosatý týraly ótinish jasady.
Qostanaı qalasy №2 sotynyń bıylǵy 8 shildedegi qaýlysymen ótinish qanaǵattandyrylyp, M.Ońdaǵanovqa ótelmegen 2 jyl 6 aı 16 kúnine probatsııalyq baqylaý ornatylyp, merziminen buryn shartty túrde bosap shyqty.
Apellıatsııalyq satydaǵy sot 13 tamyzda atalmysh sot qaýlysyn ózgerissiz qaldyrdy.
Mundaı sheshim shyǵarýǵa jazasyn óteýshiniń sot úkimine sáıkes 51,837 mln teńgeni tolyq ótegeni jóninde BQO ádilet departamenti memlekettik sot oryndaýshysy G.Papashevanyń 2020 jylǵy 29 mamyrdaǵy №8-4204 aqparaty negiz boldy.
Alaıda sot qaýlysy shyqqannan keıin Qostanaı oblystyq prokýratýrasy teksergen kezde sot oryndaýshysynyń bergen aqparaty shyndyqqa janaspaıtyn bolyp shyqty. Qazirgi tańda keltirilgen zalal tolyq kólemde ótelmegen. Sottalýshylardan áli óndirilmegen qarjy 67 415 646 teńgeni quraıdy.
Osylaısha sot oryndaýshysy sot organdaryn jańylystyrǵan. Bul sot aktilerin qaıta qaraýǵa negiz bolyp tabylady.
Jańadan ashylǵan mán-jaılarǵa baılanysty QR Qylmystyq is júrgizý kodeksi 499-baby 2-bóligine sáıkes Qostanaı oblysy prokýratýrasy oblystyq sotqa sot qaýlylaryn qaıta qaraý týraly ótinish túsirdi.
Sonymen qatar jábirlenýshi tarap – BQO dene shynyqtyrý jáne sport basqarmasynyń basshysy Q.Esendııarov ta zalaldyń tolyq kólemde ótelmegendigin keltirip, ótinishtiń qanaǵattandyrylýyna kelispeı, qarsylyq bildirgen.
Qostanaı oblystyq soty qylmystyq ister jónindegi sot alqasynyń 19 tamyzdaǵy qaýlysymen jańadan ashylǵan mán-jaılarǵa baılanysty atalǵan sot aktileriniń kúshi joıyldy.
Jańa qaýlyǵa sáıkes M.Ońdaǵanov qamaýǵa alynyp, jazasyn óteýdi jalǵastyratyn bolady.
Aıta ketetin jaıt, 18 tamyz kúni BQO prokýratýrasy memlekettik sot oryndaýshysy G.Papashevaǵa qatysty atalǵan qatynashatty (jalǵan aqparatty) bergeni úshin QR QK 361-babyna sáıkes qylmystyq quqyqbuzýshylyq belgileri boıynsha sotqa deıingi tergeýdi bastady.
Eske sala keteıik, budan buryn BQO-da sport basqarmasynyń burynǵy basshysy M.Ońdaǵanovtyń 12 jylǵa sottalǵanyn jazǵan bolatynbyz.