BQO soty óz áıelin kepildikke alǵan turǵynǵa qatysty úkimdi ózgerissiz qaldyrdy
ORAL. QazAqparat – Batys Qazaqstan oblystyq soty óz áıelin kepildikke alǵan Erlan Islamǵalıevke qatysty úkimdi ózgerissiz qaldyrdy, dep habarlaıdy QazAqparat tilshisi.
BQO sotynyń baspasóz qyzmeti málim etkenindeı, sot alqasy isti apellıatsııalyq tártipte qarap, osyndaı sheshimge keldi.
Sot alqasy taraptardyń barlyq dálelderin zerttep, E.Islamǵalıevtiń kinási tolyq dáleldengen dep sanady.
Onyń kinási tolyq anyqtalyp, jábirlenýshiniń, kýálardyń, saraptama qorytyndylarymen dáleldengen.
Apellıatsııalyq saty sonymen qatar sottalýshynyń jazasyn jeńildetetin jaǵdaılar joq ekendigin jáne taǵaıyndalǵan jaza zań talaptaryna sáıkes keletindigin atap ótti.
Osyǵan baılanysty sot úkimi ózgerissiz, apellıatsııalyq shaǵymdar qanaǵattandyrýsyz qaldyryldy.
Eske sala keteıik, budan buryn BQO-da óz áıelin kepildikke alǵan turǵynǵa úkim shyqqanyn jazǵan bolatynbyz.
Sot úkimimen E.Islamǵalıev QR QK 110-baby 2-bóligi 1, 2, 4-tarmaǵy, 194-baby 4-bóligi 2-tarmaǵy, 261-baby 2-bóligi 4-tarmaǵy, 120-baby 2-bóligi 2-tarmaǵyna sáıkes, ıaǵnı azaptaý, bopsalaý, kepilge alý jáne zorlaý baptarymen 13 jylǵa bas bostandyǵynan aıyrylǵan bolatyn.
