BQO soty qarjy pıramıdasyn uıymdastyrýshyǵa úkim shyǵardy

ASTANA. KAZINFORM – Batys Qazaqstan oblysynyń Oral qalalyq soty 2019-2020 jyldar aralyǵynda «Kachestvo PLUS» JShS qarjylyq (ınvestıtsııalyq) pıramıdasyn qurǵan Oral qalasynyń turǵynyn anyqtady. Bul týraly QR Bas prokýratýrasynyń baspasóz qyzmeti jazdy. 

Investıtsııalyq jobalardy zańdy túrde ınvestıtsııalaımyz degen jeleýmen ol 73 salymshynyń qarajatyn zańsyz tartyp, joǵary tabysqa ýáde bergen. Onyń qylmystyq áreketinen soń jábirlenýshiler jalpy somasy 143 mıllıon teńgeden astam materıaldyq shyǵynǵa ushyraǵan. 

Odan ári ózine jeke basshylyq boıynsha barlyq ókilettikti bere otyryp, ol azamattardyń tutyný kooperatıvinen «Svoı DOM.kz» jáne «Pater Hause» turǵyn úı-qurylys kooperatıvinen jalpy somasy 161 mıllıon teńgeden astam qarajatty urlaǵan.

– Memlekettik aıyptaýshynyń prıntsıpti ustanymyn eskere otyryp, sottalýshynyń qarjylyq pıramıdany qurýǵa jáne basqarýǵa, sondaı-aq qarajatty urlaýǵa qatystylyǵy dáleldendi. Sot sottalýshyny kináli dep taýyp, qarjy uıymdarynda basshy laýazymdardy atqarý jáne 10 jyl merzimge qarjy uıymynyń múshesi bolý quqyǵynan aıyra otyryp, qylmystyq quqyq buzýshylyqtardyń jıyntyǵy boıynsha 7 jylǵa bas bostandyǵynan aıyrdy, - dedi Batys Qazaqstan oblysynyń prokýratýrasy.

Sonymen qatar sot úkimimen tyıym salynǵan jyljymaıtyn jáne jyljymaly múlik, atap aıtqanda jer telimi men avtokólik keltirilgen shyǵyndy óteýge jiberildi. 

Sot úkimi zańdy kúshine engen joq.