BQO shekarasynda Reseıge zańsyz ótpek bolǵan 6 ózbekstandyq ustaldy

NUR-SULTAN. QazAqparat – Batys Qazaqstanda shekarany zańsyz ótpek bolǵan ózbekstandyqtar ustaldy, dep habarlaıdy QazAqparat Ulttyq qaýipsizdik qyzmetine silteme jasap.

Shekara qyzmetiniń Batys Qazaqstan oblysy boıynsha departamenti mamandary 30 qyrkúıekte «Lifan» markaly kólikpen shekarany zańsyz kesip ótpek bolǵan 6 ózbekstandyq pen Qazaqstannyń 1 azamatyn ustady. Olar Reseı Federatsııasyna ótý úshin memlekettik shekaranyń ótkizý pýnktin aınalyp ótýdi josparlaǵan», - delingen taratylǵan habarlamada.

Ustalǵandarǵa qatysty quqyqtyq tártipter qabyldanbaq.