BQO shekarasynda 2 500 qorap temeki ónimderin zańsyz tasymaldaýdyń joly kesildi
ORAL. KAZINFORM – Reseımen shekarada ornalasqan «Syrym» avtomobıl ótkizý beketinde temeki ónimderiniń zańsyz tasymaldanǵany anyqtaldy.
BQO boıynsha memlekettik kirister departamentiniń mamandary QR UQK Shekara qyzmetimen birlese otyryp, 2 500 qorap temeki ónimderin ilespe qujattarsyz tasymaldaý áreketiniń jolyn kesti.
Departamenttiń baspasóz qyzmetinen málim etkenindeı, temeki ónimderi Qyrǵyzstannan Qazaqstan arqyly Reseıge jetkizilmek bolǵan.
– Taýarlar mindetti qujattamany talap etetin aktsızdeletin ónim bolyp esepteledi. Qazirgi kezde tekserý sharalary júrgizilýde, qorytyndysy boıynsha protsessýaldyq sheshim qabyldanady, - dep habarlady vedomstvodan.
Eske sala keteıik, budan buryn BQO-da quny 714 mln teńge turatyn temeki ónimderin shekaradan qujatsyz alyp ótpek bolǵanyn jazǵan edik.