BQO shekarasynan qujatsyz 5 tonna shoshqa eti ótkizilmek boldy
ASTANA. KAZINFORM — Reseı Federatsııasynan shoshqa etin zańsyz ákelý áreketi toqtatyldy, dep habarlaıdy Veterınarııalyq baqylaý jáne qadaǵalaý komıteti.
«Syrym» veterınarııalyq baqylaý-ótkizý pýnktinde QR UQK Shekara qyzmetiniń qyzmetkerlerimen birlesken tekserý barysynda Reseı Federatsııasynyń Belgorod oblysynan Qazaqstan Respýblıkasynyń Almaty qalasyna baǵyttalǵan DAF markaly júk kóligi toqtatyldy. Tekserý nátıjesinde 5 tonna shoshqa eti veterınarııalyq ilespe qujattarsyz zańsyz tasymaldanǵany anyqtaldy.
— Veterınarııalyq-sanıtarııalyq zańnama talaptarynyń buzylýyna baılanysty júk kóligi keri qaıtaryldy. Al júrgizýshige qatysty Qazaqstan Respýblıkasynyń Ákimshilik quqyq buzýshylyq týraly kodeksiniń 406-baby boıynsha ákimshilik hattama toltyryldy, — delingen komıtet taratqan aqparatta.
Búgingi kúni Batys Qazaqstan oblysy aýmaǵyndaǵy veterınarııalyq baqylaý pýnktterinde 129 quqyqbuzýshylyq tirkeldi. 129 avtokólik el aýmaǵynan shyǵarylyp, 76 tulǵaǵa ákimshilik hattamalar toltyryldy. Salynǵan aıyppuldardyń jalpy somasy 6 448 480 teńgeni qurady.
Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıteti memlekettik shekara arqyly aýyl sharýashylyǵy janýarlaryn, janýar tektes ónimder men shıkizatty tasymaldaý kezinde veterınarııalyq-sanıtarııalyq talaptardy qatań saqtaý qajettigin eske salady.
Budan buryn Túrkııada shoshqa etine qatysty zańbuzýshylyqtar tirkelgenin jazǵanbyz.