BQO: Shalqar kólinde tórt adam qutqaryldy
ORAL. QazAqparat - Batysqazaqstandyq qutqarýshylar Shalqar kólinde tórt adamdy qaterden aman alyp qaldy, dep habarlaıdy QazAqparat tilshisi.
Batys Qazaqstan oblystyq TJD-nyń jedel qutqarý jasaǵynan kelip túsken málimetke qaraǵanda, oqıǵa 14 tamyz kúni oryn aldy.
Oqıǵa bylaısha órbigen. Shalqar kóline demalýǵa kelgenderdiń ishinen úsh adam úrlemeli matrasqa mingen. Jel matrastaǵylardy jaǵalaýdan 2 shaqyrymǵa deıin uzatyp alyp ketken. Olardy kórip, tórtinshi adam - jas jigit arttarynan júzip shyqqan. Alaıda biraz júzgen ol sharshap qalyp, onyń ózine kómek kerek bolǵan.
Kólde kezekshilik etip júrgen jedel qutqarý jasaǵy №5 qutqarý bólimshesiniń qutqarýshylary Temirbolat Ýahıtov pen Oleg Nıkıforov tórt adamdy katerge otyrǵyzyp, jaǵaǵa alyp shyqqannan keıin olarǵa qaýipsizdik erejesin túsindirdi.
