BQO: Samara men Saratov baǵytyndaǵy joldar júk kólikteri úshin aqyly bolady
ORAL. QazAqparat – Batys Qazaqstan oblysynda Samara men Saratov baǵytyndaǵy joldar júk kólikteri úshin aqyly bolady, dep habarlaıdy QazAqparat tilshisi.
«QazAvtoJol» UK» AQ BQO fılıalynyń dırektory Ámir Kárimbaevtyń óńirlik kommýnıkatsııalar qyzmeti alańynda málim etkenindeı, bastapqy kezeńde Oral-Samara jáne Oral-Saratov joldarynda tek júk kólikterinen aqy alý josparlanýda.
Onyń sózine qaraǵanda, bul – álemde bar tájirıbe. Barlyq jınalǵan qarajat aqyly joldy kútip ustaý men jol boıynda kórsetiletin qyzmet sapasyn kóterýge jumsalady.
Aqyly joldarǵa respýblıkalyq bıýdjetten qarjy bólinbeıdi.
«Atalǵan joldar qazirgi zamanǵy talapqa saı jóndelgen. Halyqaralyq júk tasymaldaýmen aınalysatyn úlken kólikter osy joldarmen kóp ótedi. Aqyly qyzmet baǵasy Nur-Sultan-Şýchınsk baǵytyndaǵy joldaǵymen birdeı bolmaqshy», dedi Á.Kárimbaev.
Sonymen qatar jol boıyndaǵy qyzmet sapasyn arttyrý da mańyzdy. Eki jol boıynda 98 qyzmet kórsetý nysany ornalassa, sonyń 63-i nemese 64 paıyzy ulttyq standartqa saı keledi.
«Qazirgi tańda ınvestıtsııalar esebinen janar-jaǵar maı quıý stansasy salynýda. Sondaı-aq jol boıyndaǵy qyzmet nysandaryn turǵyzý qarastyrylady», dedi fılıal dırektory.
Eske sala keteıik, budan buryn BQO-da «Nurly jol» baǵdarlamasy aıasynda eki respýblıkalyq joldyń jańǵyrtylatynyn jazǵan bolatynbyz.
