BQO: Reseımen shekarada júk kólikteriniń keptelisi týyndady

ORAL. KAZINFORM — 18 shildeden bastap Reseı Federatsııasy baǵytynda Batys Qazaqstan oblysynyń «Syrym» avtomobıl ótkizý pýnktinde 100-ge jýyq júk avtokóligi turyp qaldy.

BQO memlekettik kirister departamentinen málim etkenindeı, shekaralas Samara oblysynda jol jóndeý jumystarynyń júrgizilýi keptelistiń negizgi sebebi bolyp otyr.

«Osyǵan baılanysty memlekettik shekaradan ótý kezinde balamaly qozǵalys baǵyttaryn paıdalanyp, «Aqsaı», «Shaǵan» jáne «Tasqala» avtomobıl ótkizý beketteri arqyly júrýdi usynamyz. Departament qyzmetkerleri jergilikti jerlerde balamaly marshrýttar boıynsha shekaradan ótý múmkindigi týraly túsindirý jumystaryn júrgizýde. «Syrym» avtomobıl ótkizý beketi shtattyq rejımde jumys jasaýda», - dep habarlady vedomstvodan.

Reseımen shekarada júk kólikteriniń kepteliske ushyraýy bir bul emes.

Eske sala keteıik, budan buryn Reseımen shekarada 200-deı júk kóligi turyp qalǵanyn jazǵan bolatynbyz.