BQO: Reseı-Qazaqstan shekarasynda júk kólikteriniń keptelisi paıda boldy

QR UQK Shekara qyzmeti BQO boıynsha departamentinen málim etkenindeı, Reseı Federatsııasynyń Orynbor oblysy boıynsha Shekara vedomstvosynyń resmı aqparatyna sáıkes «Mashtakov» halyqaralyq avtomobıl ótkizý beketinde (buǵan jalǵas Qazaqstan jaǵynda «Syrym» ótkizý beketi ornalasqan) 29 sáýirden 18 mamyrǵa deıin shekaralyq baqylaýda tehnıkalyq quraldarǵa qyzmet kórsetý jumystaryn júrgizý josparlanǵan. 

«Osy kezeńde «Mashtakov» beketi arqyly júk kólikteriniń ótýi ýaqytsha qıyndaıdy. «Mashtakov» jáne «Syrym» beketteriniń ótkizý qabileti eleýli túrde tómendeıdi. Osyǵan baılanysty júrgizýshilerge balama baǵytpen, atap aıtqanda, «Aqsaı», «Shaǵan» jáne «Tasqala» avtomobıl ótkizý beketteri arqyly memlekettik shekaradan ótý usynylady», dep habarlady vedomstvodan. 

Júk kólikteri júrgizýshileriniń sózine qaraǵanda, Reseıden Qazaqstan jaǵyna qaraı ótetin jerde kezek kóp. Júk kólikteri shekaradan jaı ótýde.