BQO prokýratýrasy sottalýshynyń ólimine qatysty qylmystyq isti baqylaýǵa aldy
Bul týraly BQO prokýratýrasy málim etti, dep habarlaıdy «QazAqparat» tilshisi.
Prokýratýranyń baspasóz qyzmetinen túsken málimetke qaraǵanda, RÝ 170/2 túzetý mekemesinde jazasyn ótep júrgen Vladıslav Pogodaev Oral qalalyq kópbeıindi aýrýhanasyna túskennen keıin 31 mamyr kúni kóz jumǵan.
Sol kúni V.Pogodaevtyń qaıtys bolý deregi boıynsha sotqa deıingi tergep-tekserý bastalyp, qaza bolý sebebin anyqtaý úshin sot-medıtsınalyq saraptama taǵaıyndaldy. Qazirgi ýaqytta qajetti tergeý amaldary júrgizilýde.
Munyń aldynda jıyrma jasar marqum Vladıslavtyń anasy Nadejda Pogodaeva BAQ arqyly túrmede balasynyń em alýyna qajetti jaǵdaıdyń jasalmaǵany, tipti ony túrme qyzmetkeriniń soqqany jóninde málimdeme jasaǵan bolatyn. Osyǵan baılanysty oblys prokýrory N.Pogodaevanyń barlyq ýájderin, atalmysh mekemedegi medıtsınalyq qyzmet sapasyn tekserý týraly arnaıy prokýrorǵa tapsyrma berdi.