BQO polıtsııasy áıel adamnyń ólimine qatysty asa aýyr qylmysty ashty
ORAL. KAZINFORM – Batys Qazaqstan oblysynda áıeldi óltirgen kúdikti ustaldy.
Turǵyndardyń sózine qaraǵanda, qandy oqıǵa Kaztalov aýdany Bolashaq aýylynda boldy.
BQO polıtsııa departamentiniń baspasóz qyzmetinen málim etkenindeı, polıtsııa qyzmetkerleri áıel adamnyń ólimine qatysty asa aýyr qylmysty ashty.
- Jedel izdestirý is-sharalarynyń nátıjesinde kúdikti ustalyp, qamaýǵa alyndy. Qylmystyq isti tergeý barysy departament basshylyǵynyń baqylaýynda. Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy, - dep habarlady vedomstvodan.
Eske sala keteıik, budan buryn Oralda avtokólik qaǵyp ketken er adamnyń mert bolǵanyn jazǵan edik.
