BQO polıtsııa departamentiniń kadrlyq quramynda ózgerister boldy

ORAL. KAZINFORM – QR Іshki ister mınıstriniń buıryǵymen BQO polıtsııa departamentiniń jańa orynbasarlary taǵaıyndaldy.

Polıtsııa polkovnıgi Abylaıhan Serikov BQO polıtsııa departamenti bastyǵynyń jedel jumystar jónindegi orynbasary boldy.

BQO polıtsııa departamentiniń baspasóz qyzmetinen málim etkenindeı, Abylaıhan Serikuly ishki ister organdarynda 1997 jyldan bastap qyzmet etedi.

Eńbek jolyn ýchaskelik polıtsııa ınspektory laýazymynan bastap, basshy laýazymdarǵa deıin kóterilip, Qaratóbe jáne Aqjaıyq polıtsııa bólimderin basqardy.

Buǵan deıin ol BQO PD bastyǵynyń jalpy máseleler boıynsha orynbasary qyzmetin atqarǵan.

Abylaıhan Serikov jedel qyzmetterdiń jumysyna, atap aıtqanda, krımınaldyq polıtsııa, uıymdasqan qylmysqa, esirtki qylmysyna, ekstremızmge qarsy is-qımyl basqarmalaryna jetekshilik etedi.

Sonymen qatar mınıstrdiń buıryǵymen polıtsııa polkovnıgi Qýat Qaraǵoıshıev BQO polıtsııa departamenti bastyǵynyń jalpy máseleler jónindegi orynbasary bolyp taǵaıyndaldy.

Qýat Amangeldiuly ishki ister organdarynda 1996 jyldan bastap qyzmet etedi.

Polıtsııa qyzmetindegi eńbek jolynda qarapaıym býhgalterden BQO PD qarjymen qamtamasyz etý basqarmasynyń bastyǵy laýazymyna deıin kóterildi.

Qýat Qaraǵoıshıev tyldy basqarý jáne qarjymen qamtamasyz etý, aqparattandyrý jáne baılanys basqarmasynyń jumysyna jetekshilik etedi.

Eske sala keteıik, budan buryn BQO-da qaı salanyń adamdary alaıaqqa jıi aldanatynyn jazǵan bolatynbyz.