BQO polıtsııasy áıelden bir keliden asa sıntetıkalyq esirtki tárkiledi

ORAL. QazAqparat - BQO turǵynynan bir keliden astam sıntetıkalyq esirtki tárkilendi, dep habarlaıdy QazAqparat Polisia.kz-ke silteme jasap.

Aımaqta jol saqshylary 45 jastaǵy áıel aıdap kele jatqan Opel Corsa avtokóligin toqtatqan. Tintý kezinde sómkesinen ızolentamen oralǵan túıin, sondaı-aq 74 dana erekshe ıisi, sur-sary tústi untaq zaty bar oralǵan paket tabyldy.

Kúdiktiniń turǵylyqty jerin tintý barysynda quramynda esirtki bar preparattar 60 dana mólsherinde túrli-tústi elektr taspasy, 5 polıetılen zıp-paketi, 2 jańa elektrondy tarazy, erekshe ıisi bar sur tústi untaq zattyń izderi bar tarazy, 6 metall sháınek, 7 paket metall magnıt, 2 ólsheýish qasyq jáne shpatel, oralǵan untaq zaty bar 11 zıp-paket, aq tústi untaq zaty bar 3 konteıner jáne sur tústi untaq zaty bar 3 konteıner, sondaı-aq esirtki satýshylar qoldanatyn basqa da zattar tabylyp, tárkilendi. Esirtki quraldarynyń, psıhotroptyq preparattar men prekýrsorlardyń jıyntyq kestesine sáıkes, tárkilengender asa iri mólsherge jatady.

Osy fakti boıynsha QK-niń 297-baby 1-bóligi boıynsha sotqa deıingi tergeý júrgizilip jatyr. BQO PD Esirtki qylmysyna qarsy is-qımyl basqarmasynyń bastyǵy Asqar Abdrahmanov túsindirgendeı, esirtki quraldary men psıhotroptyq zattardy asa iri mólsherde ótkizgeni úshin 10 jyldan 20 jylǵa deıingi merzimge bas bostandyǵynan aıyrý túrindegi qylmystyq jaýapkershilik zań júzinde kózdelgen.

Foto: polisia.kz