BQO polıtseıleri joǵalyp ketken 26 jylqyny taýyp, ıelerine qaıtardy
ORAL. QazAqparat – Batys Qazaqstan oblysynyń polıtseıleri joǵalyp ketken 26 jylqyny taýyp, ıelerine qaıtardy, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa Terekti aýdanyna qarasty Eńbek aýylynda boldy.
Úsh turǵyn 9,7 mln teńge turatyn osynshama maldyń joǵalǵany jóninde polıtsııaǵa shaǵym túsirgen.
Atalǵan oqıǵa boıynsha QR QK 188-1-baby 4-bóligine sáıkes qylmystyq is qozǵaldy, alaıda mal urlyǵy anyqtalmady.
«Maldy izdeýge Eńbek polıtsııa bóliminiń jeke quramy, BQO polıtsııa departamenti krımınaldyq polıtsııa basqarmasynyń qyzmetkerleri jumyldyryldy. Jedel izdestirý sharalary barysynda mal daladan tabyldy. Mal urlyǵy aýyr qylmystar qataryna jatady. Ony ashý úshin edáýir kúsh jumsalady, polıtseılerdiń ýaqyty ketedi. Oblysta maldyń 80 paıyzy erkin jaıylymnan urlanady. Sondyqtan turǵyndar óz malyn betimen jibermeýi tıis», dedi B.Belgibekov.
Jylqy ıelerine qatysty maldy jaıý jáne ustaý erejesin buzǵany úshin QR Ákimshilik quqyqbuzýshylyq kodeksi 408-babyna sáıkes ákimshilik hattama toltyryldy.
Eske sala keteıik, budan buryn professor Jasqaırat Súndetulynyń halyqty azyq-túlikpen qamtamasyz etý óte mańyzdy másele ekendigi týraly oı-tolǵamyn bergen bolatynbyz.
