BQO polıtseıleri kóshet otyrǵyzdy
ORAL. QazAqparat – Batys Qazaqstan oblysynyń polıtseıleri aǵash kóshetterin otyrǵyzdy, dep habarlaıdy QazAqparat tilshisi.
Memleket basshysy Qasym-Jomart Toqaevtyń eldi jappaı jasyldandyrý jónindegi tapsyrmasyna sáıkes batysqazaqstandyq tártip saqshylary BQO polıtsııa departamentiniń qoǵamdyq tártipti saqtaýdy qamtamasyz etý jónindegi óndiristik bazasy aýmaǵynda alǵashqy kúni 30 túp túrli aǵash kóshetin ekti.
Olardyń ishinde emen, úıeńki, shyrsha jáne basqa aǵashtar bar.
«Emen – ǵasyr jasaıtyn aǵash, sondyqtan ol urpaqtarymyzǵa qalady. Tal-terek otyrǵyzýdy bizdiń ata-babalarymyz amanat etken. Biz sony jalǵastyrýymyz kerek. Bul is-shara aýdandarda, sondaı-aq departamenttiń barlyq bólimshelerinde jalǵasyn tabatyn bolady», dedi departament bastyǵy, polıtsııa general-maıory Maqsuthan Ablazımov.
Emen kóshetterin BQO ákiminiń orynbasary Amanjol Alpysbaev usyndy, bul týraly ol óziniń Feısbýktegi paraqshasynda jazdy. Endi óndiristik bazada otyrǵyzylǵan aǵashtardy tártip saqshylary kútetin bolady.
