BQO palýandary «Qazaq batyrlary» respýblıkalyq týrnırinde júldeger atandy
ORAL. QazAqparat - Sportqa daryndy balalarǵa arnalǵan mamandandyrylǵan oblystyq mektep-ınternatynyń shákirtteri Almaty oblysy Alakól aýdany Lepsi aýylynda grek-rım kúresinen dańqty palýan, Beıjiń Olımpıadasynyń qola júldegeri Nurbaqyt Teńizbaevtyń júldesine arnalǵan «Qazaq batyrlary» ekinshi respýblıkalyq týrnırinde sátti óner kórsetti, dep habarlaıdy «QazAqparat» tilshisi.
Atalmysh mektepten túsken málimetke qaraǵanda, Dosjan Ótepqalıev 54 kg salmaqta kúmis júldeger atansa, Dáýlet Frýnzıev (33 kg), Mırlanbek Amangeldıev (46 kg), Sanjar Lekerov (58 kg) úshinshi orynǵa kóterildi. Sonymen qatar Eljas Samıǵollın «Jeńiske degen jigeri úshin» atalymymen marapattaldy. Sportshylardy kezinde ózi de kúresip, grek-rım kúresinen jastar arasynda álem chempıony atanǵan Artýr Úmbetqalıev baptap apardy.
Aıta keteıik, atalmysh týrnırge elimiz óńirlerinen 160-qa jýyq jas palýan qatysty.
