BQO ózenderinde muz qabaty álsirep, sý deńgeıi kóterilýi yqtımal
ORAL. QazAqparat - «Qazgıdromet» RMK BQO fılıalynyń málimeti boıynsha 10-13 naýryz kúnderi óńirde qar qatty erimek, dep habarlaıdy QazAqparat tilshisi.
Oblysta kúnniń jylynýy men jaýyn-shashynnyń túsýine baılanysty aǵyn sý kóbeıedi.
Ózenderde muz qabaty álsirep, sý deńgeıi kóterilýi yqtımal.
Osyǵan baılanysty BQO TJ departamenti eskertý jarııalady.
Tótenshe jaǵdaılardy boldyrmaý maqsatynda tıisti kúsh-quraldar daıyndyqqa keltirilip, táýlik boıy kezekshilik uıymdastyryldy.
Bıyl óńirde qardyń shamadan tys kóp túsýine baılanysty birneshe aýdan men Oral qalasynda sý basý qaýpi bar aýmaqtar anyqtalyp, aldyn alý sharalary júrgizilýde.
Eske sala keteıik, budan buryn oblysta tuman túsip, kóktaıǵaq bolatyny jóninde eskertý jarııalanǵanyn jazǵan bolatynbyz.
