BQO órt sóndirýshileri jalyn sharpyǵan garajdan eki kólikti alyp shyqty
ORAL. KAZINFORM – BQO órt sóndirýshileri jalyn sharpyǵan garajdan eki kólikti alyp shyqty.
- Oral qalasyndaǵy Shýkýrov kóshesinde TQKS retinde qaıta jabdyqtalǵan garajda órt oryn aldy.
Jedel kelgen órt sóndirýshiler janyp jatqan garajdan eki avtokólikti evakýatsııalady. Órt 20 sharshy metr alańda sóndirildi, - dep jazdy TJM baspasóz qyzmetinen.
Zardap shekkender joq, órttiń sebebi anyqtalýda.
Mamandar tótenshe jaǵdaı týyndaı qalsa, 112 nómirine qońyraý shalýdy eskertti.
