BQO óndirýshileri men munaı-gaz operatorlary áriptestikti nyǵaıtty
ORAL. KAZINFORM — 15 qazanda Oral qalasynda Munaı-gaz mashına jasaý forýmy jáne Operatorlardyń ashyq esik kúni aıasynda Batys Qazaqstan oblysynyń ónerkásiptik kásiporyndaryna tanysý saparlary uıymdastyryldy.
Qatysýshylar «ÝralskAgroRemMash» AQ, «West Oil Engineering Company» JShS jáne «Batys Qazaqstan mashına jasaý kompanııasy» AQ óndiristik alańdaryna baryp, kásiporyndardyń óndiristik qýattary men óńirdegi ónerkásiptik áleýetimen tanysty.
Delegatsııany Qazaqstan Respýblıkasy Energetıka vıtse-mınıstri Erlan Esenálıuly Aqbarov bastap bardy.
Saparǵa Qazaqstan Respýblıkasy Quryltaıynyń depýtattary, «QazMunaıGaz» UK» AQ basshylyǵy, «PSA» JShS ýákiletti organynyń ókilderi, sondaı-aq iri munaı-gaz operatorlarynyń basshylary qatysty. Olardyń qatarynda «Teńizshevroıl» JShS bas dırektory Ýılıam Lakobı, «Qarashyǵanaq Petrolıým Opereıtıng B.V.» bas dırektory Marko Marsılı, NCOC N.V. basqarýshy dırektorynyń orynbasary Jandos Orazalıev, sondaı aq IMBC Bas dırektory Dastan Ábishev boldy.
Atalǵan zaýyttar munaı-gaz salasyna arnalǵan ólsheý, esepke alý jáne avtomattandyrý júıelerin, avtotsısternalardy, órt sóndirý tehnıkasyn, metall konstrýktsııalaryn, sondaı-aq munaı-gaz salasynda suranysqa ıe iri munaı-gaz jáne energetıkalyq jabdyqtardy óndiredi.
Kezdesýler barysynda zaýyttardyń tehnologııalyq múmkindikteri tanystyrylyp, óndiristik áleýetti arttyrý jáne iri munaı-gaz jobalarynyń operatorlarymen yntymaqtastyqty keńeıtý máseleleri talqylandy.
Sapardyń uıymdastyrylýy Batys Qazaqstan oblysynyń ónerkásiptik áleýeti joǵary óńir retindegi mańyzdylyǵyn aıqyndap, memlekettik organdar, otandyq óndirýshiler jáne iri munaı-gaz operatorlary arasyndaǵy áriptestik baılanystardy nyǵaıtýǵa yqpal etti.
