BQO ákimi sý tasqynynan zardap shekkenderge salynatyn úılerdiń qurylysyn jedeldetýdi tapsyrdy
ORAL. KAZINFORM — Batys Qazaqstan oblysynyń ákimi Narıman Tóreǵalıev oblystyq qurylys basqarmasy men aýdan ákimderine sý tasqynynan zardap shekken turǵyndarǵa salynatyn úılerdiń qurylysyn jedeldetýdi tapsyrdy.
«Zardap shekken turǵyndarǵa salynatyn turǵyn úılerdi ýaqytynda aıaqtaý jónindegi Memleket basshysynyń tıisti tapsyrmasy bar. Sondyqtan qurylys jumystaryn jedeldetý qajet. Syrym, Bórli, Qaratóbe, Terekti aýdandarynda qurylys jumystary bastaldy. Qurylys basqarmasy men aýdandardyń ákimderine barlyq jumystardy ýaqytyly aıaqtap, turǵyn úılerdiń sapasyna basa nazar aýdarýdy tapsyramyn», - dep atap ótti oblys ákimi.
Aýdandarda qurylǵan arnaıy komıssııalar sý tasqyny shyǵyndaryn anyqtaý boıynsha qajetti jumystardy júrgizip jatyr.
Qazirgi ýaqytta jańa turǵyn úıler salý úshin jer ýchaskeleri belgilendi. Merdiger kompanııalar anyqtalyp, qurylys jumystary bastaldy.
Qurylys jumystaryn baqylaý oblys ákiminiń tapsyrmasyna sáıkes, salaǵa jaýapty orynbasaryna tapsyryldy.