BQO-nyń jedel járdem qyzmetterine 20 reanımobıl satyp alyndy
ORAL. QazAqparat – Batys Qazaqstan oblysynda jańadan 20 reanımobıl satyp alyndy, dep habarlaıdy QazAqparat tilshisi.
BQO Densaýlyq saqtaý basqarmasynyń baspasóz qyzmetinen málim etkenindeı, atalǵan avtokólikter ındýstrııalyq damý qorymen jasalǵan kelisimge sáıkes jetkizildi.
Sonyń ishinde 7 avtokólik Bókeı ordasy, Bórli, Qaztalov, Tasqala jáne Shyńǵyrlaý aýdandarynyń turǵyndaryna jedel kómek kórsetý úshin aýdandyq stansalarǵa jiberildi.
Osylaısha sońǵy alty aıda oblysta 57 jańa jedel járdem kóligi satyp alynyp, sonyń birqatary 12 aýdanǵa bólindi.
Kúni búgin oblystyq jedel járdem stansasyndaǵy sanıtarlyq kólikter sany 116-ǵa jetip, tehnıkanyń tozýy 40 paıyzǵa deıin azaıdy. Degenmen ábden tozǵan 26 avtokólik esepten shyǵarýdy qajet etedi.
Atalǵan jedel járdem stansasynyń materıaldyq-tehnıkalyq bazasynyń jaqsarýy apatqa ushyraǵan, sondaı-aq qazirgideı ár mınýt mańyzdy indet kezinde adamdarǵa ýaqtyly kómek kórsetýge múmkindik beredi.
Eske sala keteıik, budan buryn BQO-da ınfektsııalyq statsıonarlardyń 54,5 paıyzǵa tolǵanyn jazǵan bolatynbyz.
