BQO-nyń jedel járdem qyzmetine jańa kólikter berildi
ORAL. QazAqparat - BQO densaýlyq saqtaý salasy 21 jańa avtokólikpen tolyqty, dep habarlaıdy «QazAqparat» tilshisi.
Sonyń jeteýi Oral qalalyq jedel járdem stansasyna berilse, qalǵandary aýdandarǵa attanady.
Jańa avtokólik kiltterin tapsyrý rásiminde oblys ákiminiń orynbasary Ǵabıdolla Ospanqulov jınalǵandardy Táýelsizdik merekesimen quttyqtap, olarǵa densaýlyq pen baqyt tiledi. Jergilikti bıýdjet qarjysyna alynǵan jańa avtokólikter dárigerler men feldsherlerge naýqasqa tez jetýge múmkindik beredi. Óńirde qazirgi zamanǵy talaptarǵa sáıkes jedel járdem qyzmetin jańǵyrtý baǵytynda da jumystar jasalýda. Dıspetcherlik qyzmet avtomattandyrylyp, qalalyq jedel járdem stansasy bazasynda sıtýatsııalyq ortalyq quryldy. Ortalyq qala ǵana emes, ár aýdanda brıgadanyń qaıda júrgenin baqylap otyrady.
Qalalyq jedel járdem stansasy dırektorynyń orynbasary Gúlnár Jumaǵalıevanyń aıtýynsha, kún saıyn 24 brıgada jumysqa shyǵady. Keshkisin qosymsha taǵy alty brıgada qosylady. Keshki 20.00-ge deıin alty qalalyq emhanada ózderiniń brıgadalary da jumys jasaıdy. Qazir stansada 40 jedel járdem kóligi bar, bul qala men oǵan qarasty kentterdi qamtýǵa múmkindik beredi.
