BQO-nyń Tasqala aýdanynda 800-ge jýyq adam jumyspen qamtyldy
Aýdandyq jumyspen qamtý ortalyǵynyń dırektory Bátıma Kentoǵaevanyń aıtýynsha, «Baǵdarlamaǵa qatysýshylardy tehnıkalyq jáne kásiptik bilimmen jáne qysqa merzimdi kásiptik oqýmen qamtamasyz etý» 1-baǵyty boıynsha 67 adam «Іs júrgizýshi», «Klassıkalyq massaj», «Derbes kompıýter operatory» mamandyqtary boıynsha Oral qalasyna oqýǵa joldandy.
Baǵdarlamanyń «Jappaı kásipkerlikti damytý» 2-baǵyty boıynsha aýdanda óz kásibin ashyp, ony damytý maqsatynda nesıe alýǵa tilek bildirgen azamattardyń tizimi jasaldy. Munda negizinen mal sharýashylyǵy, sonyń ishinde iri qaranyń sútti, etti tuqymdary men jylqy, qus sharýashylyǵyn damytý, sondaı-aq naýbaıhana ashý, jarnama jelisin keńeıtýge basymdyq berilýde. Bul baǵytta nesıe alýǵa nıettengen 26 adamǵa «Aýyl sharýashylyǵyn qarjylaı qoldaý qory» AQ-ǵa, taǵy bes kisige «Tasqala» nesıe seriktestigine joldama berildi. Kúni búgin eki adam «Aýyl sharýashylyǵyn qarjylaı qoldaý qory» AQ arqyly 11,6 mln. teńgege qol jetkizdi.
Baǵdarlamanyń «Halyqty jumyspen qamtýǵa járdemdesý arqyly jáne eńbek resýrstarynyń utqyrlyǵy arqyly eńbek naryǵyn damytý» 3-baǵyty boıynsha 85 adamǵa áleýmettik jumys oryndaryn uıymdastyrý úshin respýblıkalyq jáne aýdandyq bıýdjetten qarajat bólindi. Qazirgi tańda aýdan aýmaǵyndaǵy 43 jumys berýshimen kelisimshart jasalyp, 84 adam jumysqa jiberildi. Olardyń 14-i jastar bolsa, 16-sy - az qamtylǵan otbasydan. Sondaı-aq 47 mamandy jastar tájirıbesimen qamtý úshin respýblıkalyq jáne aýdandyq bıýdjetten tıisti qarjy qaralyp, bul jumys ta 100 paıyzǵa oryndaldy. 21 jumys berýshimen kelisimshart jasalyp, 35 jas maman alǵashqy tájirıbe alý úshin alty aı merzimge jumysqa joldandy. Aqyly qoǵamdyq jumysty uıymdastyrý úshin aýdandyq bıýdjet esebinen 405 adamǵa qarjy tolyqtaı berildi. Kúni búgin 283 adam qoǵamdyq jumysqa tartyldy.
«Jalpy, jyl basynda halyqty jumyspen qamtýdyń keshendi jospary bekitilgen bolatyn. Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan, sondaı-aq «Bıznestiń jol kartasy - 2020», «Nurly jol», «Óńirdi damytý» baǵdarlamalary boıynsha bıyl 999 adamdy jumyspen qamtý josparlansa, qazirdiń ózinde 800-ge jýyq, naqtyraq aıtqanda 751 adam jumysqa tartylyp, jospar 75,2 paıyzǵa oryndalyp otyr. Bıyl jumysqa ornalasý máselesimen 555 adam jolyqsa, sonyń 146-sy - jastar, 118-i - jumys izdeýshiler, 97-si - az qamtylǵandar. Jumysqa 454 adamdy joldaý kózdelse, jeti aı ishinde 396 adam jiberildi. Sonyń 129-y turaqty jumysqa ornalasyp, jospar 71,1 paıyzǵa oryndaldy. Halyqty jumyspen qamtý baǵytyndaǵy jumystar budan keıin de jalǵasady», dedi «QazAqparat» tilshisine B.Kentoǵaeva.
