BQO-nyń shalǵaı aýdandarynda shaǵyn áýejaı salý oılastyrylýda
ORAL. QazAqparat - Batys Qazaqstan oblysynyń shalǵaı aýdandarynda shaǵyn áýejaı salý oılastyrylýda. Bul týraly oblys ákimi Altaı Kólginov málim etti, dep habarlaıdy «QazAqparat» tilshisi.
Óńir basshysynyń aıtýynsha, Bókeı ordasy, Jánibek jáne Qaztalov aýdandarynda shaǵyn áýejaı salý úshin tehnıkalyq-ekonomıkalyq saraptama jumystary jasalady. Úsh aýdanda 50 myńdaı halyq turady. Sondyqtan turǵyndar úshin áýe qatynasy óte qolaıly bolar edi. Bul rette Úkimet tarapynan qoldaý kórsetiledi.
Atalǵan úsh aýdanǵa qatqyl tabandy jol áli kúnge deıin tartylmaǵan. Bul baǵytta qolǵa alynǵan jumystar nátıjesinde aldymen Qaztalov aýdany ortalyǵyna asfalt jol jetpekshi.
Jol qıyndyǵy aýdan ákimderiniń bıylǵy turǵyndarmen eseptik kezdesýinde de kóterildi.
Jańaqala, Bókeı ordasy, Jánibek, Qaztalov aýdandary ákimderiniń eseptik kezdesýlerine qatysqan Altaı Kólginov óńirdegi ózekti máselelerdiń birtindep sheshiletinin jetkizdi.
