BQO-nyń Reseımen shektesetin aýdandarynda vırýs juqtyrý artqan
NUR-SULTAN. QazAqparat – Batys Qazaqstan oblysynyń Reseımen shekaralas aýdandarynda vırýs juqtyrý kórsetkishi artqan. Bul týraly oblys ákimi Ǵalı Esqalıev Úkimet otyrysynda málim etti, dep habarlaıdy QazAqparat.
«Sońǵy aptada 585 jańa jaǵdaı anyqtaldy nemese 18 paıyzǵa ósim bar. Naýqasqa shaldyqqandardy barynsha anyqtaý úshin oblystaǵy 13 zerthanada táýligine 2 myńǵa jýyq PTR-zertteý júrgiziledi. Infektsııamen aýyrǵandar kóp tirkelgen aýdandar Reseıdiń 5 óńirimen shekaralas. Reseı shekarasy arqyly kún saıyn 2,5 myńnan astam adam ótedi. Aǵymdaǵy epıdemıologııalyq jaǵdaıǵa baılanysty oblystyń bas sanıtar dárigeriniń qaýlysymen adamdar kóp jınalatyn sharalar ótkizýge tyıym salyndy», - dedi óńir basshysy.
Ákimniń aıtýynsha, Ahyq qosymshasy boıynsha jumys isteıtin kásipkerlik nysandardyń ishinde erejeni saqtamaıtyndary bar.
«Ahyq mobıldik qosymshasy boıynsha 550-den astam kásipkerlik sýbektisi jumys isteıdi. Ereje talaptaryn saqtamaǵany úshin 35 nysan jobadan shettetildi. Qosymsha arqyly oqshaýlanýǵa tıis 147 kelýshi anyqtaldy. Sanıtarlyq-epıdemıologııalyq jaǵdaıdy jaqsartý úshin turǵyndardy vaktsınalaý belsendi júrgizilip jatyr. Densaýlyq saqtaý mınıstrliginiń jospary boıynsha apta saıyn 20 myńnan astam adamdy qamtý arqyly bilim berý nysandary jáne memlekettik organdar boıynsha vakınalaýdyń qysqa merzimdi jospary jasaqtaldy. Kún saıyn vaktsınalaýdyń 47 pýnkti jumys isteıdi. Ujymdarda vaktsınalaý júrgizý úshin medıtsnalyq brıgadalar shyǵaryldy», - dedi Ǵalı Esóalıev.
Oblys basshysy sońǵy bir aptada vaktsınalaý qarqyny kúrt artqanyn atady.
«Búginde kelip túsken 269 myń doza vaktsınany 90 myń adam birinshi komponent boıynsha, 60 myń adam ekinshi komponent boıynsha paıdalandy. Maýsym aıynan bastap vaktsınalaý qarqyndy júrýde. Sońǵy aptada ósim ótken aptamen salystyrǵanda 87 paıyzǵa ulǵaıtyldy. 5 shildege deıin taǵy 21 myń adam vaktsınatsııamen qamtylady», - dedi ákim.
