BQO-nyń ónerkásiptik áleýetin belsendi túrde damytý kerek - Premer-Mınıstr
Premer-Mınıstr kásiporynnyń jumysymen tanysyp, otandyq ónimderdiń kórmesin aralady, sondaı-aq oblystyń ónerkásip kásiporyndarynyń basshylarymen áńgimelesti.
Ol búginde mashına jasaý salasy - jyl saıyn orta eseppen 18%-ǵa ósim kórsetetin, eń qarqyndy damyp kele jatqan sala ekenin atap ótti. Elimizde 3300-ge jýyq kásiporyn bar, olarda 115 myńnan astam adam jumys isteıdi. Qosalqy bólshekterden bastap zamanaýı tehnıkalardy qurastyrýǵa deıin kóptegen ónim túri shyǵarylady.
«Degenmen, salada ımporttyń úlesi eksporttan áldeqaıda joǵary. Olardyń basym bóligi – munaı-gaz mashınasyn jasaý ónimi. Batys óńiriniń ereksheligin eskersek, bul baǵyttyń áleýeti zor, sondyqtan ákimdik atalǵan salany odan ári damytýy kerek»
, - dedi Álıhan Smaıylov.
Sonymen qatar, Premer-Mınıstr Memleket basshysy otandyq kásiporyndar men ınvestorlarǵa qoldaý kórsetýdi tapsyrǵanyn aıtty.
Buǵan deıin Batys Qazaqstan oblysyna jumys sapary aıasynda QR Premer-Mınıstri Álıhan Smaıylov óńirdiń áleýmettik-ekonomıkalyq damý máseleleri jóninde keńes ótkizdi.
