BQO-nyń Qyzyltal aýylynda 12 úıdi sý basty

ORAL. QazAqparat - Aqsaı qalasy Qyzyltal shaǵynaýdanynda 12 úıdi sý basty, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, bul týraly habar 1 sáýir kúni saǵat 23.55-te kelip túsken.

Sý basqan úılerden 8 adam evakýatsııalandy, olardyń tórteýi - balalar. Qalǵan turǵyndar týystarynyń úılerine ornalastyryldy.

Oqıǵa ornynda 83 adam 30 tehnıkamen jumys jasap jatyr.

Departamentten túsken málimetke qaraǵanda, oblysta Qaratóbe jáne Shyńǵyrlaý aýdanynda tótenshe jaǵdaı jarııalanyp, qujattar ádilet organdaryna tirkeýge jiberildi.

«Qazirgi ýaqytta úsh aýdanda 175 adam (52 tehnıka, 2 júzý quraly, 12 motopompa) sý tasqynymen kúreske jumyldyrylǵan», dep habarlady vedomstvodan.

Eske sala keteıik, budan buryn BQO-da sý tasqynynan zardap shekken turǵyndarǵa kómek kórsetiletinin jazǵan bolatynbyz.