BQO-nyń qyryqqa jýyq turǵynyn aldap ketken ózbekstandyq azamat sottaldy
ORAL. QazAqparat - Oral qalalyq sotynyń úkimimen asa iri mólsherde alaıaqtyq jasaǵan ózbekstandyq azamat Mýrodýllo ıÝldashev sottaldy, dep habarlaıdy QazAqparat tilshisi.
Atalmysh sottan túsken málimetke qaraǵanda, M.ıÝldashev QR QK 190-baby 4-bóligine sáıkes aıypty dep tanyldy.
Ózbekstandyq azamatqa 5 jylǵa bas bostandyǵynan aıyrý jazasyn qaýipsizdigi orta qylmystyq-atqarý júıesi mekemesinde óteý kesildi.
1993 jylǵy M.ıÝldashev tergeý barysynda anyqtalmaǵan tulǵalarmen ymyralasyp, alaıaqtyq jolmen tez baıýdy josparlap, Qazaqstan aýmaǵynda «Lesnyh» JShS-yn qurǵan.
Ol ınternette qurylys materıaldaryn bazardaǵydan tómen baǵamen satý týraly habarlandyrý ornalastyryp, aldyn ala tólemaqy alyp, qazaqstandyq azamattarmen kelisimge otyrǵan. Sodan keıin túrli syltaýlarmen qurylys materıaldaryn jetkizý keshiktirile berilgen.
Osylaısha M.ıÝldashev BQO-nyń 39 azamatyna asa iri mólsherde materıaldyq zalal keltirgen.
Jábirlenýshilerdiń paıdasyna azamattyq talap-aryz boıynsha zalaldar óndirildi.
Sot úkimi zańdy kúshine engen joq.
Eske sala keteıik, budan buryn iri kólemde alaıaqtyq jasaǵan ózbekstandyq azamattyń tergelip jatqanyn jazǵan bolatynbyz.
