BQO-nyń Qaztalov aýdanynda joldy sý basty
ORAL. QazAqparat - Batys Qazaqstannyń Qaztalov aýdanynda joldy sý basty, dep habarlaıdy QazAqparat tilshisi.
BQO TJ departamentinen alynǵan málimetke qaraǵanda, keshe saǵat 21.30-da jergilikti mańyzy bar Qaztalov-Qoshankól jolynyń 35-shaqyrymynda sý basqany jóninde habar túsken. Qardyń erýinen ári sý ótkizgish qubyrdyń joqtyǵynan joldyń ústine shyqqan sýdyń eni 20 metr de, bıiktigi - 15-20 sm.
Sý basýyna baılanysty jol jabylyp, eskertý belgileri qoıylǵan. Oqıǵa ornynda jergilikti atqarýshy organdardan 16 qyzmetker men 4 tehnıka, jergilikti polıtsııa qyzmetiniń eki qyzmetkeri men qos tehnıkasy jumys jasaýda. Eldi mekenderdi sý basý qaýpi joq.
Aýdan ákimi Abat Shynybekovtiń aıtýynsha, atalmysh joldy búgin keshke ashý kózdelýde. Aldyńǵy kúni Tereńkól baǵytyndaǵy jolda da osyndaı jaǵdaı oryn alǵan edi. Qazir ol baǵytta qatynas bar.
Eske sala keteıik, budan buryn 28 naýryz kúni Bókeı ordasy aýdany Bısen aýyldyq okrýgi aýmaǵynda Chapaev-Jańaqala-Saıqyn, 2 sáýir kúni Qaratóbe aýdanynda Qaratóbe-Qaraqamys jolynyń ústine sý shyǵyp ketkenin jazǵan bolatynbyz.
