BQO-nyń Qarashyǵanaq kenishinde karantın alyndy
ORAL. QazAqparat – Qarashyǵanaq kenishinde jarııalanǵan karantın búginnen bastap alyndy, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindeı, sonymen qatar oblystyń birneshe aýdanynda karantın áli de kúshinde.
Atap aıtqanda, Syrym aýdany Jympıty, Jánibek aýdany Qamysty jáne Borsy, Tasqala aýdany Tasqala aýylynda karantın saqtalyp otyr.
Kúni búginge deıin óńirde 776 naýqas tirkelse, sonyń 344-i jazylyp shyqty.
Qazirgi tańda 32 adam provızorlyq, 127 adam karantındik statsıonarda jatsa, úılerinde oqshaýlanǵandar sany 1894-ke jetti.
Oblysta sońǵy anyqtalǵan 22 naýqastyń 20-sy – Oral qalasynyń turǵyndary. Qalǵan ekeýi Syrym jáne Qaratóbe aýdanynan. Sonyń ishinde tórteýi – buryn koronavırýs juqtyrǵandarmen baılanysta bolǵandar. 5 adamnan profılaktıkalyq maqsatta, 13 naýqastan epıdkórsetkish boıynsha synama alyndy.
Óńirde indetke qarsy kúres jalǵasýda.
Eske sala keteıik, budan buryn Qarashyǵanaq kenishinde karantın jarııalanǵanyn jazǵan bolatynbyz.
«Qarashyǵanaq Petrolıým Opereıtıng b.v.» (QPO b.v.) kompanııasy da óziniń saıtynda bir qyzmetkerinen koronavırýs tabylyp, oblystyq juqpaly aýrýlar aýrýhanasyna jatqyzylǵanyn rastaǵan edi. Keıin «QPO b.v.» kompanııasy merdigeri SICIM fırmasynyń úsh qyzmetkerinen de indet anyqtalǵanyn jarııa etti. Osyǵan baılanysty Qarashyǵanaq kenishinde ornalasqan SICIM kompanııasynyń barlyq qyzmetkerleri testileýden ótkizilýde.
