BQO-nyń birneshe aýdanynda blokpostar ázirge alynbaıdy
ORAL. QazAqparat – Batys Qazaqstan oblysynda birneshe aýdanda blokpostar alynbaıtyn boldy, dep habarlaıdy QazAqparat tilshisi.
BQO bas memlekettik sanıtar dárigeri Muhamǵalı Aryspaevtyń 30 mamyrdaǵy qaýlysyna sáıkes óńirde birneshe aýdannan basqa jerdegi blokpostar 1 maýsymnan bastap alynady.
Tek buǵan deıin karantınge jabylǵan Syrym aýdanynda, Tasqala aýdanynyń Tasqala kentinde jáne Jánibek aýdanynyń Qamysty, Borsy aýyldyq aýyldyq okrýgterinde blokposttar saqtalady.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti atap ótkenindeı, óńirde epıdemıologııalyq ahýal áli de turaqsyz bolyp otyr. Koronavırýs juqtyrý qaýpi seıilgen joq. Sondyqtan turǵyndarǵa saqtyq sharalaryn umytýǵa bolmaıdy.
Oblysta 580 adam juqpaly indetke shaldyqsa, sonyń 281-i jazylyp shyqty.
Qazirgi tańda juqpaly aýrýlar aýrýhanasynda 299 adam emdelýde. Sondaı-aq 14 adam provızorlyq, 797 adam karantındik statsıonarda jatsa, 1278 adam úılerinde oqshaýlanǵan.
Eske sala keteıik, budan buryn BQO-nyń 9 aýdanynda koronavırýs juqpasy tirkelip otyrǵanyn jazǵan bolatynbyz.
