BQO-nyń 9 aýdanynda koronavırýs juqpasy tirkelip otyr
ORAL. QazAqparat – Batys Qazaqstannyń toǵyz aýdanynda koronavırýs ınfektsııasy tirkelip otyr, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetinen málim etkenindeı, oblysta syrqattanǵandar sany 580-ge jetip, 141 aýrý oshaǵy anyqtaldy.
Sonyń 501-i Oral qalasynda tirkelse, Aqjaıyq aýdanynda – 5, Bórlide – 9, Báıterekte – 8, Syrymda – 6, Jańaqalada – 2, Jánibekte – 9, Shyńǵyrlaýda – 1, Tasqalada – 23, Terektide 16 adamnyń dertke shaldyqqany belgili boldy.
Oblys ákimdiginiń aqparatyna sáıkes, sońǵy anyqtalǵan 36 naýqastyń 31-i – buryn aýyrǵandarmen qarym-qatynasta bolǵandar. 4 adamnan profılaktıkalyq maqsatta synama alynǵan. Taǵy bir adam – Reseıde jumys jasaıtyn oblys turǵyny. Ol «Tasqala» avtoótkelinen ótip kelgen.
Óńirde indetke qarsy kúres jalǵasýda.
Eske sala keteıik, budan buryn Batys Qazaqstanda koronavırýs juqtyrǵandar sany kóbeıip bara jatqanyn, 10 myńnan astam volonterdiń turǵyndarǵa kómektesip júrgenin jazǵan bolatynbyz.
