BQO memlekettik satyp alý jáne kommýnaldyq menshik basqarmasynyń basshysy aýysty
ORAL. KAZINFORM — Batys Qazaqstan oblysy memlekettik satyp alý jáne kommýnaldyq menshik basqarmasynyń basshysy laýazymyna Ádiljan Isataıuly Ǵubashev rotatsııa tártibimen taǵaıyndaldy.
BQO ákimdiginen málim etkenindeı, Ádiljan Ǵubashev 1975 jyly Batys Qazaqstan oblysynyń Jánibek aýdanynda dúnıege kelgen.
Bilimi joǵary. Qazaq ulttyq ýnıversıtetin avtomatıka jáne tehnıkalyq júıelerdi basqarý, Kaspıı qoǵamdyq ýnıversıtetin zańtaný, Batys Qazaqstan ınjenerlik-gýmanıtarlyq ýnıversıtetin esep jáne aýdıt mamandyǵy boıynsha támamdaǵan.
Ár jyldary Qazaqstan Respýblıkasynyń keden organdarynda jumys istep, Oral qalasy turǵyn úı-kommýnaldyq sharýashylyq, jolaýshy kóligi jáne avtomobıl joldary bólimi memlekettik-quqyqtyq jumystar sektorynyń meńgerýshisi, osy bólim basshysynyń orynbasary boldy.
Sondaı-aq Batys Qazaqstan oblysy memlekettik satyp alý basqarmasy áleýmettik nysandardy damytý bóliminiń basshysy, BQO memlekettik satyp alý jáne kommýnaldyq menshik basqarmasy basshysynyń orynbasary laýazymdarynda qyzmet etken.
Eske sala keteıik, budan buryn Oral qalasy ákiminiń orynbasary taǵaıyndalǵanyn jazǵan bolatynbyz.