BQO mektepterine qazaqtyń uly tulǵalarynyń esimderi berildi

ORAL. QazAqparat – Batys Qazaqstan oblysy mektepterine qazaqtyń uly tulǵalarynyń esimderi berildi, dep habarlaıdy QazAqparat tilshisi.

BQO tilderdi damytý basqarmasynyń basshysy mindetin atqarýshy Sveta Ǵanıevanyń málim etkenindeı, QR Úkimetiniń bıylǵy 18 naýryzdaǵy №148 qaýlysyna sáıkes óńirdegi 10 mekteptiń ataýy ózgerdi.

Atap aıtqanda, oblystyq daryndy balalarǵa arnalǵan mamandandyrylǵan mektep-gımnazııa-ınternaty men Báıterek aýdanyndaǵy Darııan mektep-gımnazııa-ınternatyna Abaı esimi berildi.

Sondaı-aq Báıterek aýdanynda Trekın budan bylaı Qadyr Myrza Álı, Pervosovetsk Shoqan Ýálıhanov, Şapov Baýyrjan Momyshuly, Batýrın Talǵat Bıgeldınov, Novenkıı Qasym Qaısenov jáne Ýlıanov Іlııas Esenberlın atyndaǵy jalpy orta bilim beretin mektep bolyp atalady.

Sonymen qatar Shyńǵyrlaý aýdanynda eki mekteptiń ataýy qazaqshalandy. Belogor negizgi orta bilim beretin mektebi Aqtaý aýylynyń negizgi bilim beretin orta mektebi, Poltava negizgi orta bilim beretin mektep-balabaqshasy Ardaq aýylynyń negizgi bilim beretin orta mektep-balabaqshasy bolyp qaıta ataldy.

«Jetkinshek urpaqqa ulttyq rýh berý maqsatynda bilim berý uıymdaryna uly tulǵalarymyzdyń esimin berý jumystary aldaǵy ýaqytta da jalǵasady», dedi QazAqparat tilshisine S.Ǵanıeva.