BQO: medıtsınalyq kómek kórsetýdegi kemshilik 34 mln teńge zalal keltirdi
ASTANA. QazAqparat - Batys Qazaqstan oblysynda turǵyndarǵa medıtsınalyq kómek kórsetýdegi kemshilik 34 mln teńge zalal keltirdi. Buny áleýmettik medsaqtandyrý qory oblystaǵy medıtsına mekemelerin tekseris kezinde anyqtady, dep habarlaıdy QazAqparat «Ýralskaıa nedelıaǵa» silteme jasap.
«Áleýmettik medıtsınalyq saqtandyrý qory» KEAQ Batys Qazaqstan oblysy fılıalynyń turǵyndarǵa aqparat berý jáne ótinimderdi qaraý bóliminiń basshysy Qýanysh Sansyzbaevtyń aıtýynsha, 2018 jyldyń basynan beri oblys turǵyndaryna medıtsınalyq kómek kórsetý boıynsha 50 medıtsına uıymymen shart jasalǵan.
2018 jylǵy 1 tamyzǵa deıin jalpy somasy 28,5 mlrd teńge bolatyn 81 shart jasalǵan, 129,9 mln teńgeniń 23 sharty buzylǵan.
Tekseris kezinde BQO-da 34 718 717 teńgeniń medıtsınalyq qyzmetterin kórsetýde kemshilikterge jol berilgeni anyqtaldy. Bul 2018 jyldyń alǵashqy jartysyndaǵy kórsetkish.
Al búkil Qazaqstan boıynsha bul kórsetkish 2,7 mlrd teńgeden asyp jyǵylady.
