BQO máslıhatynda úsh saıası partııaǵa depýtattyq mandat bólindi
Saıası naýqan qorytyndysyn jarııa etken oblystyq saılaý komıssııasynyń tóraǵasy Ǵaısa Qapaqovtyń aıtýynsha, sonyń ishinde 276998-i daýys berip, óz tańdaýlaryn jasady.
Saılaýshylardyń 222616-y nemese 81,25 paıyzy «|Nur Otan» partııasyn qoldasa, 22669-y nemese 8,27 paıyzy «Aýyl» partııasyn, 22967-i nemese 8,38 paıyzy «Aq jol» partııasyn jaqtap, daýys berdi. «Adal» partııasy (5746 saılaýshy) 2,1 paıyz daýys jınady.
Saıası partııalardyń jibergen kvotasy boıynsha «Nur Otan», «Aýyl», «Aqjol» partııalaryna depýtattyq mandat bólindi. Osylaısha oblystyq máslıhattyń depýtattyǵyna «Nur Otan» partııasynan 25, «Aýyldan» 3, «Aq joldan» 3 adam ótti.
«Barlyq deńgeıdegi máslıhattar boıynsha oblysta 190 depýtat mandat alady. Ár partııa óz sheshimderimen oblystyq saılaý komıssııasyna depýtattardyń aty-jónderin beredi. Biz olardyń tizimderin jarııalap, ár depýtatqa kýálik, tósbelgi ázirleımiz. Oblys boıynsha saılaý uıymshyldyqpen ótti. Baıqaýshylar saıası dodanyń joǵary deńgeıde ótkenin jetkizdi. Eýropadaǵy qaýipsizdik jáne yntymaqtastyq uıymynan, sondaı-aq halyqaralyq baıqaýshylar tarapynan aıtarlyqtaı eskertpeler bolǵan joq. Oral qalasynda saılaýshylardyń 40 paıyzy daýys berse, aýdandarda kórsetkish joǵary. 95 paıyzǵa deıin saılaýshylary qatysqan aýdandar bar», –dedi Ǵaısa Hamıdollauly.
Oblystyq saılaý komıssııasy tóraǵasynyń orynbasary Vıacheslav Inochkın saılaý kezinde barlyq sanıtarlyq talaptardyń saqtalǵanyn jetkizdi. Saılaý ýchaskelerinde 2429 adam bolsa, sonyń 568-i – senimdi ókilder, 1333 baıqaýshynyń 478-i qoǵamdyq birlestikterden, 31-i buqaralyq aqparat quraldarynan keldi. 14 halyqaralyq baıqaýshynyń ekeýi EQYU-dan bolsa, 12-si TMD atynan qatysty.