BQO mamandary óńirdegi menıngıt boıynsha ahýal týraly aıtty
ORAL. QazAqparat - Batys Qazaqstan oblysynda menıngokokk juqpasy boıynsha jaǵdaı turaqty. Bul týraly búgin óńirlik kommýnıkatsııalar qyzmetinde BQO Qoǵamdyq densaýlyq saqtaý departamentiniń basshysy Jaıdar Qurmanov málim etti, dep habarlaıdy QazAqparat tilshisi.
Onyń aıtýynsha, 5 maýsymǵa deıin oblysta bul aýrý tirkelgen joq.
Degenmen ótken jyly 14 jasqa deıingi úsh balada menıngokokk juqpasy kezdesti, olardyń bári de jazyldy.
«Respýblıka óńirlerinde atalǵan aýrýdyń taralýyna baılanysty oblysta menıngokokk juqpasynyń aldyn alý baǵytynda jospar jasaldy. Barlyq tıisti mekemelerge usynymdar jiberilip, sharalar júrgizý barysy baqylaýǵa alyndy», - dedi J.Qurmanov.
Brıfıngke qatysqan oblystyq juqpaly aýrýlar aýrýhanasynyń dırektory Nadııa Ahmetova da menıngokokk juqpasy eshkimde anyqtalmaǵanyn, degenmen turǵyndarǵa saq bolý kerektigin eskertti.
