BQO-lyq qarııa saılaý ýchaskesine tańǵy alty bolmaı barǵan

ORAL. QazAqparat – Batys Qazaqstan oblysynyń Syrym aýdanynda turatyn 70 jastaǵy Nurlan Jumaǵalıev óz tańdaýyn jasady, dep habarlaıdy QazAqparat tilshisi.

Eldegi saılaýǵa únemi belsendi qatysyp, ár daýys mańyzdy ekendigin túsinetin qarııa ózi tirkelgen ýchaskege tańǵy saǵat 5.55-te keldi.

Daýys bergennen keıin Nurlan Jumaǵalıev óz pikir-paıymymen bólisti.

«Elimizdiń bolashaǵy úshin, urpaǵymyzdyń jarqyn keleshegi úshin óz tańdaýymyzdy jasaýymyz kerek. Árqaısysymyzdyń daýysymyz mańyzdy. Men el birligin saqtaýǵa múddeli, yntymaqty nyǵaıtýǵa qaýqarly partııa men bizdiń senimimizdi aqtaıdy degen úmitkerge daýys berdim», dedi Nurlan Іzgilikuly.

№291 ýchaskelik saılaý komıssııasynyń tóraǵasy Marat Aqbasov alǵashqy daýys berýshige estelik syılyq tabys etse, aqsaqal aq batasyn berdi.

Óńirde basqa da saılaý ýchaskelerinde daýys berý osyndaı ulttyq naqyshta ótip jatyr.

Eske sala keteıik, budan buryn eldiń batysynda turǵyndar saılaýda óz tańdaýyn jasap jatqanyn jazǵan bolatynbyz.