BQO quramasy sporttyq baǵdarlaýdan tabysty óner kórsetti
ORAL. QazAqparat - BQO quramasy sporttyq baǵdarlaýdan Şýchınsk qalasynda ótken Qazaqstan chempıonatynda tabysty óner kórsetti, dep habarlaıdy «QazAqparat» tilshisi.
Oblystyq dene shynyqtyrý jáne sport basqarmasynan túsken málimetke qaraǵanda, el birinshiligine Astana, Almaty qalalary men óńirlerden 12 komanda quramynda 146 sportshy qatysyp, baq synady.
Jarys qorytyndysynda BQO quramasy 3 altyn, 3 kúmis, 3 qola medaldi jeńip aldy. Atap aıtqanda, Nargıza Erǵosaeva orta jáne uzaq qashyqtyqta birinshi, sprıntten úshinshi orynǵa kóterildi. Mustafa Mahambetuly uzaq qashyqtyqtan chempıon atanyp, taǵy eki básekede qos kúmis júldege ıe boldy. Sondaı-aq Janbolat Dáýit kúmis, Nargıza Nysanova men Edilbek Elýbaev qola júldeger atandy. Olardy BQO quramasynyń aǵa bapkeri Raılan Nurmanov bastap apardy.
