BQO quramasy kekýshınkaı-karateden el chempıonatynda tabysty óner kórsetti
ORAL. QazAqparat - QR Táýelsizdiginiń 25 jyldyǵyna oraı Almaty qalasynda kekýshınkaı-karateden qyzdar men áıelder arasynda márege jetken on birinshi el chempıonatynda jáne erlerden absolıýtti salmaq dárejesinde kýbok saıysynda BQO quramasy tabysty óner kórsetti, dep habarlaıdy QazAqparat tilshisi.
BQO dene shynyqtyrý jáne sport basqarmasynan túsken málimetke qaraǵanda, atalmysh jarysqa Astana, Almaty qalalary men barlyq oblystardyń qurama komandalary qatysty. BQO namysyn 15 sportshy qorǵady. Chempıonat qorytyndysynda 14-15 jastaǵylar arasynda Nurgúl Saparova 50 kg salmaq dárejesinde altynnan alqa taqsa, Alına Serik 10-11 jastaǵylardan 40 kg astam salmaqta qola júldeni ıelendi.
Sondaı-aq erler arasynda absolıýtti salmaq dárejesinde QR kýbogy saıysynda Selenge Ishan úshinshi orynǵa kóterildi. Olarǵa medal, kýbok, dıplomdar tabys etildi.
